IKERKETA
“Euskal itsasbazterreko zetazeoei buruzko ekologia ikerlana” programa Marloi ontzian gauzatutako itsas laginketaren emaitzetan oinarritzen da. (ikerketaren emaitzak ikusi nahi badituzu egin klik hemen) berria!
Lehen hurbiltze batean Euskal Herriko uretan zetazeoen aniztasuna eta banaketa ezagutu dira, eta era berean animalia hauen ugaritasun erlatiboa balioetsi da kostaldeko lehen 25 miletan zehar.
Zetazeoen inguruko informazioa jasotzeaz gain, aldi berean, itsas hegazti-fauna, dortoka eta babestutako beste espezieen datuak hartzen dira. Prestige ontziak isuritako fuel-olio hondakin, orban eta beste iturri kutsakorren inguruko oharrak hartu dira, honela petrolio ontziaren hondamendiaren ostean itsasoaren egoeraren inguruko informazioa emanaz.
Ikerlana ondoz ondoko kanpainetan egindako lagin hartzeen bitartez gauzatzen da, Higer-eko lurmuturra eta Muskiz-eko hondartza bitarteko kostaldean nabigatuz. Kanpaina hauetan zehar animalien datuak hartu eta argazkiak aterako zaizkie ondorengo analisia egin ahal izateko. Ikerketa honen emaitzek jadanik sortua den datu basea handiagotzea baimentzen dute, bide batez Bizkaiko Golkoan animalia hauen aniztasun eta banaketaren inguruko informazio berria eskainiaz.
Jendeak gure proiektuan parte hartzea nahi dugu. Hori dela eta itsasoa, nabigazioa eta zetazeoak maite dituen oro parte hartu, eta 2004-ko uda honetan aurrera eramango ditugun laginketa kanpainetan laguntzeko aukera eskaintzen dugu.
LAGINKETA KANPAINAK
Kanpainak apirila, ekaina, uztaila eta abuztuan izaten dira. Ikerlana aimbat kanpainaz osatua dago, bakoitzaren iraupena 7 egunetakoa delarik. Egun horietan zehar euskal Kostaldetik nabigatzen dugu zetazeoen bila.
Lan jardunaldiak egunsentian hasten dira, ilunabarrean amaituaz. Egunean zehar kostaldetik 25 milatara nabigatzen dugu, itsas azalera miatuaz. Animalia hauek lokalizatuta izanik gure ikerlanerako beharrezkoak ditugun datuak jaso eta argazkiak atertzen ditugu.
Jardunaldi bakoitzaren amaieran, “Marloi” eta bere tripulatzaileak euskal kostaldeko portu ezberdinetan geratzen dira.
Tripulazioa Kapitaina, bi ikertzaile eta 7 ikerketa laguntzailek osatzen dute.
Laguntzen diguten pertsonak ikerlan laguntzaileak izango dira, lan taldearen barne egongo dira eta ontziko eginbehar ezberdinetan laguntzen digute, hala nola, ikerketan, nabigazioan eta ontziaren mantenu lan eta intendentzian.
Ikerketa honen garapenaren zehar, laguntzaileek nabigazio, zetazeoen biologia, ikerketa teknikak, metodologiaren erabilpena eta bere ezarpena, eta itsas inguruneari buruzko trebakuntza jasotzen dute.
Ezagupen zientifikoez gain, parte hartzaileek besteak beste balearen harrapaketa eta Euskal Herriko arrantza tradizionalaren inguruko oinarrizko ezagutza bereganatuko dute. Gai hauei dagokien ezagutza Marloi ontziko kapitainaren esku izango da, Hilario Martinez. Kantauri itsasoaren inguruko ezagupen zabal bat izateaz gain, bertako arrantzaren inguruko kuriositate eta sekretuak, berezko esperientzia dela eta, ongi ezagutzen baititu.
Konpartitutako ezagutza guztiek aplikazio marko ezin hobe bat izanen dute; euskal kostaldea eta laginketak irauten duen bitartean geldialdi gune izango diren arrantza kai enblematikoak.
IKERKETA LAGUNTZAILEEN PROGRAMAK
Nahi duen pertsona orok parte hartu eta kolabora dezake ikerketa proiektuan, gurekin ontziratu eta lan taldearen parte izateko aukera izanik.
Euskal kostaldea modu zoragarri batean ezagutu eta bertako aberastasunez liluratzeaz gain, aberastasun honen kontserbazioan lagunduko du. Hau da gure eskaintza. Lagun iezaguzu 2004.eneko udako kanpainan eta natura eta itsasoa maite duen pertsona orok bizitzan behin bederen gauzatu nahi duen ametsa beteko duzu. Betebeharrak gutxienekoak dira, eta baldintzak eta kostua edozein ekonomiarako eskuragarria.
